الدراسة بعد كلية التمريض

الدراسة بعد كلية التمريض:

  1-   الماجستير والدكتوراه
  2-  الدبلومات
  3-  الزمالة

أولا: الماجستير:-

 -      بيكون في أي تخصص من تخصصات المواد التمريضية اللي درستها في الكلية بشرط أن تقديرك في مادة التخصص ما يقلش عن (جيد) .

 -       الدكتوراه :- درجة علمية أعلى من الماجستير بتقدم لها لو ربنا وفقك واخدت الماجستير .

     ثانيا:الدبلومات :-

 1-    دبلومة (الجودة) بتكون سنة واحدة وبعد ما بتحصل عليها بتبقى أخصائي جودة تطبق سياسات الجودة في المستشفى يعني مش هتتعامل مع المرضى نهائيا .

 2-    دبلومة (الإدارة) ودي كمان بتبقى سنة واحدة ولما بتاخدها بيكون ليك الاحقيه في المناصب الإدارية بالمستشفى زي مثلا رئيس التمريض بالمستشفى بتختصر الدبلومة دي ليك الوقت وممكن تصل بيها لمدير مستشفى كمان .

 3-    دبلومة (مكافحة العدوى ) مدتها سنة ونصف وبتكون أخصائي ثاني مكافحة عدوى وبعد شغلك سنتين في المجال بتبقى أخصائي أول مكافحة عدوى وعملك انك تتأكد أن كل اللي في المستشفى بيطبقوا نظام وسياسة مكافحة العدوى وساعات العمل فيها بتبقى من 8 الصبح ل 2 الظهر وأنا صراحة بفضل الدبلومة دي عن غيرها .

           ثالثا :الزمالة :-

 1- زمالة (القلب الصناعي ) ومدتها سنتين شغلك بيكون دائما في غرف عمليات القلب المفتوح.

 2- زمالة (المعلوماتية الصحية ) ومدتها سنتين وبتكون أخصائي معلوماتية صحية ودي ممتازة  للي مستواه في الكمبيوتر كويس .

 3-    زمالة (الأطفال وحديثي الولادة ) ومدتها ثلاث سنوات ودي متاحة كمان تقريبا للمعهد العالي للتمريض .

 4- زمالة (مكافحة العدوى ) ومدتها ثلاث سنوات وبعدها بتكون (استشاري مكافحة عدوى ) .

وفيه حاجات ثانية زي دبلومة الغسيل الكلوي وزي زمالة التخدير بس نادرة شوية .

   وأخيرا: أكاديمية الشرطة :-

- بتكون عبارة عن 6 شهور سواء حربية أو شرطة بعد سنة الامتياز وبتكون بعدها ملازم أول أخصائي تمريض تشتغل في مستشفيات الشرطة أو المستشفيات العسكرية .